ന്യൂഡൽഹി: മുഖ്യ തെരഞ്ഞെടുപ്പ് കമ്മിഷണർ ഗ്യാനേഷ് കുമാറിന്‍റെ രാജി ആവശ്യപ്പെട്ടുള്ള പ്രതിഷേധം ആളിക്കത്തിച്ച് ഇന്ത്യാ സഖ്യം. ഇന്ത്യാ സഖ്യത്തിലെ മുന്നൂറിലധികം എംപിമാരാണ് തെരഞ്ഞെടുപ്പു കമ്മിഷൻ ആസ്ഥാനത്തേക്ക് മാർച്ച് നടത്തിയത്.
നിതി ആയോഗ് ഓഫിസിനും ആകാശവാണി ഓഫിസിനുമിടയിലുള്ള വഴിയിൽ മാർച്ച് പൊലിസ് തടഞ്ഞതോടെ എംപിമാർ ബാരിക്കേഡുകൾക്കു മുന്നിൽ കുത്തിയിരുന്ന് പ്രതിഷേധിച്ചു. ബാരിക്കേഡുകൾ മറികടക്കാൻ എംപിമാർ ശ്രമിച്ചതോടെ ഇവരെ കസ്റ്റഡിയിലെടുത്തു നീക്കി.
പിടികൊടുക്കാതെ രാഹുൽ
പാർലമെന്‍റിന്‍റെ അഞ്ഞൂറ് മീറ്റർ മാത്രം മാറിയുള്ള പ്രധാനപാതയിൽ പൊലിസ് ബാരിക്കേഡുകളിട്ടു തടഞ്ഞും ജാമറുകളുപയോഗിച്ച് ഇന്‍റർനെറ്റ് കട്ട് ചെയ്തുമാണ് പ്രതിഷേധമാർച്ച് തകർക്കാൻ ശ്രമിച്ചത്. എന്നാൽ രാഹുൽ ഗാന്ധിയുടെ നേതൃത്വത്തിൽ സഖ്യത്തിലെ പ്രധാന നേതാക്കളെല്ലാം ധർണ നടത്തിയും ബാരിക്കേഡുകൾക്ക് മുകളിൽ കയറിയും പ്രതിഷേധം കനപ്പിച്ചതോടെ പൊലിസും വലഞ്ഞു.
ഒടുവിൽ ഇവരെയെല്ലാം കസ്റ്റഡിയിലെടുത്ത് നീക്കാനുള്ള ശ്രമമായി. എന്നാൽ ബാരിക്കേഡുകൾക്കിടയിലൂടെ മിന്നിപ്പാഞ്ഞ് കസ്റ്റഡി വെട്ടിച്ച രാഹുൽ ഗാന്ധി അപ്രതീക്ഷിതമായി ആകാശവാണി ഭവനിനുള്ളിലുള്ള ബോധിവൃക്ഷം തന്‍റെ സമരകേന്ദ്രമാക്കിയതോടെ പ്രതിഷേധം വീണ്ടും ആളിക്കത്തി.
Deepika
Corehub Solutions
E-paper LOGIN
LOGIN
